Azərbaycan, Bakı, 15 fevral / Trend müxbir K.Zərbalıyeva/
Bakıda yaşayış evində yanğın olub, 8 nəfər təxliyyə olunub.
Trend-in çərşənbə günü Fövqəladə Hallar Nazirliyinin rədmi saytına istinadən verdiyi məllumata görə, Xətai rayonunda əsasən qamış konstruksiyadan ibarət ümumi sahəsi 450 kvadratmetr olan ikimərtəbəli çoxmənzilli yaşayış binasında yanğın olub.
İlkin məlumata görə, binanın dam örtüyü təxminən 150 kvadratmetr sahədə yanıb.
Hadisə yerinə Fövqəladə Hallar Nazirliyinin Xüsusi Riskli Xilasetmə Xidmətinin xilasediciləri də cəlb olunublar.
8 nəfər bina sakini xilasedicilər tərəfindən təxliyyə olunub.
Hazırda hadisə yerində müvafiq söküntü işləri görülür və od mənbələrinin müəyyən olunması üzrə iş aparılır.