Xətai rayon Polis İdarəsinin məlumatı əlavə olunub (ilk xəbər saat 16:35-də yayılıb)
Azərbaycan, Bakı, 5 mart /Trend, müxbir K.Zərbalıyeva/
Tanınmış meyxanaçı Aydın Xırdalanlı yol qəzasına düşüb.
Şahidlərin Trend-ə verdiyi məlumata görə, bu gün saat 16:00 radələrində Xətai rayonu ərazisində, AMAY Ticarət Mərkəzinin qarşısında Aydın Xırdalanlı idarə etdiyi "Nissan-Murano" markalı avtomobilini aşırıb.
Meyxanaçı hadisə yerində olan vətəndaşların köməyi ilə avtomobildən çıxarılıb.
Xətai rayon Polis İdarəsinin 37-ci polis bölməsindən Trend-ə məlumatı təsdiqləyiblər. Bildiriblər ki, meyxanaçı sərxoş vəziyyətdə olub. O, saxlanılıb və bölməyə gətirilib.
Bildirilib ki, meyxanaçı qəza zamanı ciddi xəsarət almayıb.