Təfərrüatlar əlavə olunub (ilk xəbər saat 15:16-da yayılıb)
Azərbaycan, Bakı, 1 may /Trend, müxbir A.Tağıyeva/
Türkiyənin Kayseri vilayətinin Yahyalı rayonunda turistləri daşıyan avtobus su anbarına düşüb. Bu barədə Trend "TRT Haber" telekanalına istinadən məlumat verir.
Avtobusda 30-dan çox sərnişin olub. İlkin məlumatlara görə, hadisə nəticəsində ən azı 6 nəfər ölüb, 23-ü xəsarət alıb, 5 nəfər isə itkin düşüb.
Avtobusun sərnişinləri turist kimi Kayseriyə gedən Nevşehir vilayətinin müəllimləri olub.