Azərbaycan, Bakı, 7 may /Trend/
Rusiyanın İrkutsk əyalətində "Mi-8" vertolyotunun qəzaya uğraması nəticəsində ölən iki nəfərin cəsədi tapılıb. Trend RİA Novosti-yə istinadən məlumat verir ki, bu barədə çərşənbə axşamı Rusiya FHN-in İnformasiya idarəsinin rəhbəri Oleq Voronov bildirib.
"Bu gün axtarış-xilasetmə işlərinin aparılması zamanı həmin şəxslərin cəsədləri aşkarlanıb. Hazırda onların təxliyyəsi üçün tədbirlər görülür", - o bildirib.
Vertolyotda olan digər şəxslər və ekipaj üzvlərinin taleyi haqqında hələ ki məlumat verilmir.