Azərbaycan, Bakı, 22 iyul /Trend, müxbir A.Tağıyeva/
Türkiyənin Bodrum vilayətində meşə yanğınları baş verib. Trend-in bazar ertəsi "Anadolu" agentliyinə istinadən verdiyi məlumata görə, artıq bir neçə saatdır ki, meşə yanğınlarını söndürmək mümkün olmur.
Yanğının söndürülməsinə 3 təyyarə, 4 vertolyot və meşədə çalışan 50-dən artıq işçi cəlb edilib.
Güclü külək yanğının söndürülməsini çətinləşdirir.
Yanğınsöndürənlər yanğının ətraf ərazi və yaşayış massivlərinə yayılmasının qarşısını almağa çalışırlar.