Azərbaycan, Bakı, 6 sentyabr /Trend, müxbir İ.İzzət/
Xaçmazda 4 yaşlı qız elektrik cərəyanı vurması nəticəsində ölüb.
Trend Regional TV-yə istinadən xəbər verir ki, Xaçmaz rayonunda bədbəxt hadisə baş verib. Xaçmaz rayonu, Yalama qəsəbə sakini 2009-cu il təvəllüdlü İbrahimova Nərmin Rafiq qızını elektrik cərəyanı vurub.
Hadisə nəticəsində 4 yaşlı körpə dünyasını dəyişib. Onun cəsədi meyitxanada müayinə edildikdən sonra aidiyyəti üzrə təhvil verilib.
Faktla bağlı Xaçmaz rayon prokurorluğunda araşdırma aparılır.