Azərbaycan, Bakı, 8 dekabr /Trend/
"Gənclik" metrostansiyası yaxınlığındakı yol qovşağında avtomobil aşıb.
Trend-in hadisə yerində olan əməkdaşının verdiyi məlumata görə, "90 SN 704" dövlət nömrə nişanlı "Lexus" markalı avtomobil Atatürk prospektindən "Nəriman Nərimanov" metrostansiyası istiqamətində hərəkət edərkən aşıb. Hazırda həmin istiqamətdə tıxac yaranıb.
Hadisə yerinə yol polisi əməkdaşları gəlib. Qəzanın baş vermə səbəbləri araşdırılır.
İlkin məlumata görə, hadisə nəticəsində xəsarət alan yoxdur.
Qəzaya səbəb kimi sürət həddini aşma göstərilir.