Azərbaycan, Bakı, 11 fevral /Trend, müxbir İlkin İzzət/
Bakıda avtomobil ananı və 13 yaşlı qızını vurub. Ana xəstəxanada ölüb.
Bakı şəhər Baş Polis İdarəsinin (BŞBPİ) mətbuat xidmətindən Trend-ə verilən məlumata görə, fevralın 10-da saat 17:45 radələrində, Ziya Bünyadov prospektində Bakı şəhər sakini 1972-ci il təvəllüdlü Seyid Seyidov idarə etdiyi "Opel" markalı avtomobillə 1977-ci il təvəllüdlü Vəfa Sadıqovanı və qızı 2002-ci il təvəllüdlü Fərqanə Sadıqovanı vurub.
Xəstəxanaya yerləşdirilən V.Sadıqova orada ölüb, F.Sadıqovanın vəziyyəti qənaətbəxşdir. Faktla bağlı Nərimanov rayon Polis İdarəsi 17-ci Polis Bölməsində araşdırma aparılır.