Azərbaycan, Bakı, 20 iyul /Trend/
Ucar-Yevlax yolunda yük avtomobilinin aşması nəticəsində ağır yol qəzası baş verib, xəsarət alan var.
Trend-in hadisə yerində olan əməkdaşının verdiyi məlumata əsasən, Ucar-Yevlax yolunda, Yevlax rayonuna 5-6 km qalmış ərazidə "Şaqman" yük avtomobili aşıb. Göyərtəsində tikinti daşı olan yük avtomobilinin aşması nəticəsində baş verən yol qəzasında xəsarət alanların olduğu bildirilir.
Hadisə yerinə təcili-tibbi yardım maşını gəlib. Yaralılara ilkin tibbi yardım göstərilir.
Hadisənin baş vermə səbəbləri araşdırılır.