Azərbaycan, Bakı, 21 oktyabr /Trend, müxbir Elmir Murad/
Sumqayıtda qohumlar arasında yaranan mübahisə bir nəfərin ölümü ilə nəticələnib.
Daxili İşlər Nazirliyindən Trend-ə verilən məlumata görə, Sumqayıt şəhərində yaşayan Almurad Babayevin evində baldızı Rəbiyyə Sultanova münaqişə zəminində ona bıçaqla xəsarət yetirib.
Xəstəxanaya yerləşdirilən A.Babayevin həyatını xilas etmək mümkün olmayıb.
Sumqayıt Şəhər Polis İdarəsi 1-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində R.Sultanova tutulub.