Bakı. Trend:
Saatlı rayonunda taxıl sahələrində yanğın baş verib. Belə ki, Fövqəladə Hallar Nazirliyindən Trend-ə verilən məlumata görə, rayonun Varxankənd kəndində vətəndaşlara məxsus ərazilərdə 0,8 ha və 0,5 ha biçilməmiş taxıl sahəsi, digər vətəndaşa məxsus ərazidə 1 ha biçilmiş taxıl sahəsi yanıb. Taxıl sahələrinin qalan hissəsi yanğından mühafizə olunub.
Yanğın saat 10:55-də yanğınsöndürənlər tərəfindən söndürülüb.