Bakı. Trend:
Qubada 8 otaqlı inzibati bina yanıb.
Trend Fövqəladə Hallar Nazirliyinin (FHN) saytına istinadən xəbər verir ki, rayonun Amsar kəndində ümumi sahəsi 440 m2 olan taxta konstruksiyadan ibarət ikimərtəbəli 8 otaqlı inzibati binanın 2-ci mərtəbəsində 1 otağın yanar konstruksiyaları 50 m2 sahədə yanıb.
Binanın qalan hissəsi yanğından mühafizə olunub.
Yanğın saat 04:05-də yanğınsöndürənlər tərəfindən söndürülüb.