Bakı. Samir Əli - Trend:
Bu gün Bakı Ağır Cinayətlər Məhkəməsində külli miqdarda dələduzluqda təqsirləndirilən Rövşən Qəmbərovun cinayət işi üzrə məhkəmə prosesi başa çatıb.
Trend-in məlumatına görə, hakim Mahmud Ağalarovun sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə R. Qəmbərov 8 il 7 ay azadlıqdan məhrum edilib və məhkəmə zalında həbs olunub.
İttihama görə, R.Qəmbərov tanışı Ceyhun Bayramovdan 115 min dollar, digər tanışı Afiq Qafarovdan isə 54 min 987 manat alıb.