Bakı. Tural Turan - Trend:
Ağsu rayonunun Dilman kəndi yaxınlığında yanğın qeydə alınıb.
Trend-in Fövqəladə Hallar Nazirliyinin saytına istinadən məlumatına görə. Böhran Vəziyyətlərində İdarəetmə Mərkəzinə Ağsu rayonunun Dilman kəndi yaxınlığında dağlıq ərazidə (mürəkkəb reylefli yüksək dağ massivi) yanğın olması barədə məlumat daxil olub. Yanğının söndürülməsi üçün əraziyə Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri və Ağsu Rayon İcra Hakimiyyətinin müvafiq texnikası cəlb edilib.
İlkin məlumata əsasən, təxminən 30 ha sahədə kol-kos və ağaclıq yanıb. Hazırda yanğın ocaqlarında tüstülənmə müşahidə olunur, açıq alov yoxdur.
Əlavə məlumat veriləcək.