Bakı. Samir Əli - Trend:
Bakıda piyadanın vurulması ilə nəticələnən yol qəzası baş verib.
Trend-in məlumatına görə, hadisə paytaxtın Yasamal rayonu ərazisində baş verib.
Bakı şəhər sakini Dərgahov Nurlan Ruslan oğlu idarə etdiyi "Mercedes S klass" markalı avtomobillə Füzuli küçəsində hərəkətdə olarkən piyada Əliyeva Fəxriyyə Hikmət qızını vurub. Piyada xəstəxanaya yerləşdirilib.
Faktla bağlı araşdırma aparılır.