Bakı. Samir Əli - Trend:
Bakıda piyadanın ölümü ilə nəticələnən yol qəzası baş verib.
Trend-in məlumatına görə, hadisə paytaxtın Səbail rayonu, Salyan şossesi 32-də baş verib.
Yolu keçən Bakı şəhər sakini, 1975-ci il təvəllüdlü İsmayılova Aida Rüstəm qızı naməlum avtomobil tərəfindən vurulub.
Qadın aldığı xəsarətlərdən hadisə yerində dünyasını dəyişib.
Hadisəni törədən şəxs ərazidən qaçıb.
Faktla bağlı cinayət işi başlanıb.