Bakı. Samir Əli - Trend:
Bakıda polis narkotik alverçisinin yaxalanması ilə bağlı əməliyyat keçirib.
Trend-in məlumatına görə, Sabunçu rayon Post-Patrul Xidməti əməkdaşları daxil olan məlumat əsasında Sabunçu rayonu ərazisində keçirilən əməliyyat tədbirləri nəticəsində Bakı şəhər sakini, 1994-cü il təvəllüdlü Ə. Mahmudov saxlanılıb.
Baxış zamanı onun üzərindən 0,119 qram metanfetamen həbi və 274 qram heroin aşkar edilərək götürülüb. Saxlanılan şəxs Sabunçu rayon Polis İdarəsinin 13-cü polis bölməsinə təhvil verilib.
Faktla bağlı araşdırmalar davam etdirilir.