Bakı. Orxan Nəbiyev - Trend:
Türkiyənin cənub-qərbindəki Muğla vilayətində iki bölgədə meşə yanğınları başlayıb.
Trend-in məlumatına görə, yanğınlar Milas və Bodrum rayonlarında qeydə alınıb.
Yanğınların qarşısının alınması məqsədilə bir təyyarə, 5 helikopter və 20-yə yaxın texnika cəlb edilib.
Xatırladaq ki, iyulun sonu - avqustun əvvəllərində Muğla da daxil olmaqla, Türkiyənin bir neçə bölgəsində tüğyan etmiş yanğınlar nəticəsində 170 min hektardan çox ərazi yanmışdı.