...

Vəkil Rövşən Əkbərova bəraət istədi

Hadisə Materials 22 Oktyabr 2021 12:18 (UTC +04:00)
Vəkil Rövşən Əkbərova bəraət istədi

Trend-i buradan izləyin

Bakı. Samir Əli - Trend:

Bakı Hərbi Məhkəməsində qəsdən adam öldürməkdə təqsirləndirilən sabiq birlik komandiri Rövşən Əkbərovun cinayət işi üzrə məhkəmə prosesi davam etdirilib.

Trend-in məlumatına görə, hakim Həbib Həsənovun sədrliyi ilə keçirilən prosesdə çıxış edən təqsirləndirilən Rövşən Əkbərovun vəkili Taleh İbrahimov bildirib ki, Rövşən Əkbərov barəsində bəraət hökmünün çıxırılmasını tələb edib: "Rövşən Əkbərovun bu cinayətə adiyyəti yoxdur".

R.Əkbərovun digər vəkili çıxışa hazır olmadığını deyib. Bu səbəbdən məhkəmə prosesində oktyabrın 27-ə qədər fasilə elan edilib.

Məhrumun anası Səmayə Əliyeva məhkəmə bitəndən sonra vəkilin çıxışına etiraz edib. O bildirib ki, oğlunu Rövşən Əkbərov öldürüb.

R.Əkbərov isə Səmayə Əliyevaya Elçin Əliyevi öldürmədiyini deyib: "Bunu mən etməmişəm. Siz bu işi yaxşı araşdırın. Kiminsə sözü ilə məni günahlandırmayın".

Xatırladaq ki, ötən prosesdə prokuror R. Əkbərova 11 il cəza istəmişdi.

İttihama görə, 2001-ci il mayın 31-dən iyunun 1-nə keçən gecə Rövşən Əkbərov Kiyev şəhəri, Deqtyaryov küçəsi, 7 ünvanda yerləşən “Sikora” kafesində yeyib-içdikdən sonra saat 4 radələrində həmin kafenin yaxınlığında Elçin Əliyevə aralarında yaranmış cüzi münaqişə səbəbindən ürək nahiyəsinə kəsici-deşici predmetlə xəsarət yetirib.
İstintaq sənədlərinə görə, Rövşən Əkbərov 2001-ci ildə Müdafiə Nazirliyi tərəfindən Ukraynaya 95 günlük xidməti ezamiyyətə göndərilib.

Həmin il mayın 31-də gecə 3-4 radələrində Kiyev şəhərində yerləşən "Sikora” kafesində tanışları Elçin Əliyev və Məzahir Şıxaliyevlə içki məclisində olub. Həmin zaman Rövşən Əkbərov sərxoş vəziyyətdə həmin şəxslərin ona qarşı hörmətsizlik etdiyini, onu tanımadıqları ilə bağlı etirazını bildirib.

Rövşən Əkbərov Elçin Əliyev və Məzahir Şıxalıyevlə mübahisə edib.

Bu zaman kafenin rəhbərliyi onları oradan çıxarıb. Tərəflər mübahisələrini çöldə davam etdiriblər. Rövşən Əkbərov Məzahir Şıxalıyevə yumruqla zərbələr vurub. Daha sonra avtomobilinə yaxınlaşaraq bıçaq götürüb. Bıçaqla Elçin Əliyevə xəsatət yetirib. Xəsarət nəticəsində Elçin Əliyev hadisə yerində ölüb.

Rövşən Əkbərova Cinayət Məcəlləsinin 12.1, 120.2.2 (qəsdən adam öldürmə) və 12.1, 221.3-cü (xuliqanlıq) maddələri ilə ittiham elan edilib.

Məqalədə:
Xəbər lenti

Xəbər lenti