Bakı. Trend:
Salyan rayonunun Şorsulu kəndində baş verən yanacaq çəni partlayışı iki nəfərin xəsarət alması ilə nəticələnib.
Trend-in Fövqəladə Hallar Nazirliyinə (FHN) istinadən verdiyi məlumata görə, hadisə yük maşınının yanacaq çənində qaynaq işləri aparılarkən baş verib.
“Mersedes” markalı yük avtomobilinin kabinəsi, üç ön təkəri və qoşqunun üzərinə çəkilmiş tent qismən yanıb. Yanğın nəticəsində iki nəfər yanıq xəsarətləri alıb.
Hadisə yerinə cəlb olunan yanğından mühafizə bölmələri avtomobilin qalan hissəsini yanğından qorumağı bacarıblar.