Bakı. Trend:
2025-ci ildə Azərbaycan dəniz nəqliyyatı ilə yük və sərnişin daşınmasından 259,5 milyon manat gəlir əldə edib.
Trend Dövlət Statistika Komitəsinə istinadən xəbər verir ki, bu, 2024-cü ildəki göstərici ilə müqayisədə 8,1% artım deməkdir.
Hesabat dövründə dəniz nəqliyyatı ilə yüklərin daşınmasından əldə edilən gəlirlər 259,229 milyon manat təşkil edib ki, bu da 2024-cü ildəki göstərici ilə müqayisədə 8,4% çoxdur.
Eyni zamanda dövr ərzində dəniz nəqliyyatı ilə sərnişin daşımalarından əldə olunan gəlir isə 265 min manat təşkil edib ki, bu da 2024-cü ildəki göstəriciyə nisbətən 75,6% azdır.
2025-ci ildə Azərbaycanda dəniz nəqliyyatı ilə 9,090 milyon ton yük (5,4% çox) və 25,5 min sərnişin (10,2% az) daşınıb.