Azərbaycan, Lənkəran / Trend , müxbir P.Əliyeva/ Lənkəranda polisin ölümü ilə nəticələnən yol qəzası baş verib. Trend in bölgə müxbirinin məlumatına görə, sentyabrın 6-na keçən gecə Lənkəranın Şəhidlər Xiyabanı ərazisində Masallının Böyük Xocavar kənd sakini, polis kapitanı, 1961-ci il təvəllüdlü Vaqif Bayram oğlu Həşimov, idarə etdiyi QAZ 0024 markalı 42 BA 119 dövlət nömrə nişanlı avtomobilini idarə edərkən, yolun kənarındakı bordura çırpıb. Nəticədə sürücü həlak olub, avtomobildə olan 3 sərnişin isə ağır yaralanıb.
Faktla bağlı Lənkəran rayon Polis İdarəsində araşdırma aparılır. İlkin ekspertiza rəyinə görə, hadisəyə səbəb yüksək sürət olub.
Lənkəran paytaxt Bakıdan 260 kilometr cənubda yerləşir.