Azərbaycan, Bakı, 2 aprel /Trend, müxbir K.Zərbalıyeva/
Aprelin 3-ü saat 12:00-da Naxçıvan Muxtar Respublikasının Sədərək rayonunda Ermənistan silahlı qüvvələri tərəfindən qətlə yetirilmiş Azərbaycan vətəndaşlarının cəsədləri qaytarılacaq. Bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi Şahin Sayilov Trend-ə deyib.
Qazax rayonunun sakinləri Hüseynov Həsən Hüseyn oğlu və Məmmədov Sakit Şərif oğlu martın 2 və 3-də Qazax rayonundan Ermənistan ərazisinə keçib və Ermənistan silahlı qüvvələri tərəfindən qətlə yetirilib. "Aprelin 7-də Ermənistanda girovluqda olan Azərbaycan vətəndaşının Azərbaycana qaytarılması gözlənilir", - Sailov deyib. Onun sözlərinə görə, azad ediləcək girovun adı hələ məlum deyil.