Azərbaycan, Bakı, 9 oktyabr /Trend/
Ermənistan silahlı qüvvələrinin bölmələri atəşkəsi bir neçə istiqamətdə pozub.
Azərbaycan Müdafiə Nazirliyi mətbuat xidmətindən şənbə günü Trend-ə verilən məlumata görə, erməni hərbçiləri oktyabrın 8-də saat 10:35-dən 10:40-dək Ermənistan Respublikası İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində yerləşən mövqelərimizi;
saat 10:20-dən 10:30-dək Goranboy rayonu Tapqaraqoyunlu kəndi yaxınlığında yerləşən mövqelərdən;
saat 11:50-dən 12:00-dək və 20:00-dan 20:35-dək Xocavənd rayonu ərazisindəki adsız yüksəkliklərdə yerləşən mövqelərdən;
saat 18:35-dən 18:40-dək və 21:30-dan 21:40-dək Füzuli rayonu Qaraxanbəyli kəndi yaxınlığında və adsız yüksəkliklərdə yerləşən mövqelərdən;
oktyabrın 9-da saat 00:05-dən 00:10-dək Ağdam rayonunun Kəngərli kəndi yaxınlığında yerləşən mövqelərdən;
saat 00:25-dən 00:45-dək Tərtər rayonunun Göyarx kəndi yaxınlığında yerləşən mövqelərdən
Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub. İtki yoxdur.