Azərbaycan, Bakı, 7 mart /Trend, müxbir E.Mehdiyev/
Avropa İttifaqı Dağlıq Qarabağ münaqişəsinin tez bir zamanda həllini tapacağına ümid edir. Trend-in məlumatına görə, bu barədə cümə günü jurnalistlərə Aİ-nin Bakıdakı Ofisinin rəhbəri, səfir Roland Kobia bildirib.
"Biz hazırda yeni təşəbbüslər təklif etmək, Minsk qrupunun fəaliyyətinə dəstək vermək üçün onunla birgə iş aparırıq", - Kobia deyib.
Səfir xatırladıb ki, bir neçə ay öncə Azərbaycana səfər edən Aİ-nin xarici işlər və təhlükəsizlik siyasəti üzrə ali nümayəndəsi Ketrin Eşton Azərbaycan Prezidenti İlham Əliyevin diqqətinə Aİ-nin Dağlıq Qarabağ münaqişəsinin tənzimlənməsində daha fəal iştirak etməyə hazır olduğunu çatdırıb.