Azərbaycan, Bakı, 14 iyun /Trend, müxbir A.Bədəlova/
Dağlıq Qarabağ münaqişəsinin həlli məsələsində, ilk növbədə, Ermənistanın qoşunlarını Azərbaycan ərazisindən çıxarması lazımdır. Trend-in məlumatına görə, bu barədə cümə axşamı Azərbaycanın xarici işlər nazir Elmar Məmmədyarov ATƏT-in fəaliyyətdə olan sədri Eymon Gilmorla birgə keçirdiyi mətbuat konfransında bildirib.
"Azərbaycan insidentlərin araşdırılması mexanizminin tətbiqinə razılıq verib, lakin qoşunların çıxarılmasından sonra bu mexanizm lazım olmayacaq", - nazir deyib.
Onu sözlərinə görə, indiki şəraitdə mexanizmin tətbiqi status-kvonun daha da möhkəmlənməsi mənasına gəlir.
"Qoşunların çıxarılmasından sonra təmas xəttində snayperlərə ehtiyac qalmayacaq", - Məmmədyarov vurğulayıb.