Azərbaycan, Bakı, 21 fevral /Trend/
Cənubi Afrika Respublikasının (CAR) dövlət qurumları Xocalı soyqırımı barədə məlumatlandırılıb.
Azərbaycanın CAR-dakı səfirliyindən Trend-ə verilən məlumata görə, səfirlik Xocalı soyqırımının 21-cü ildönümü ilə əlaqədar olaraq CAR dövlət və hökumət qurumlarına və CAR-da akkreditə edilmiş diplomatik və beynəlxalq nümayəndəliklərə müvafiq məlumat göndərib.
Həmçinin, Xocalı soyqırımının ildönümü ilə əlaqədar keçiriləcək tədbirlərdə CAR-da fəaliyyət göstərən "Azərbaycanın Afrika Dostları" adlı yerli qeyri-hökumət təşkilatının internet səhifəsində Xocalı soyqırımına həsr edilmiş və bu hadisə barədə geniş məlumatlar, o cümlədən şəkillər və videomateriallar yerləşdirilib (http://www.azerbaijan.org.za).