Azərbaycan, Bakı/ Trend , müxbir K.Ramazanova/ Azərbaycan terrorizmlə mübarizədə ABŞ-ın əsas müttəfiqidir. Bunu oktyabrın 14-də Azərbaycana səfər edən ABŞ hərbçiləri nümayəndə heyətinin rəhbəri Karl Stiner söyləyib.
General bildirib ki, ABŞ-ın milli müdafiə Universitetinin Kenstop proqramı üzrə məzunları Azərbaycanlı həmkarları ilə əməkdaşlıq etmək istəyirlər.
19 zabit və iki mülki şəxsdən ibarət nümayəndə heyəti oktyabrın 14-də Bakıya gəlib. Səfərin məqsədi Azərbaycanla tanışlıq, regionda gələcək əmıkdaşlığın qurulmasıdır. Onlar Xarici İşlər və Müdafiə nazirliklərində və 5 parlamentari ilə görüşlər keçiriblər. Görüşlərdə Azərbaycanlı hərbçilər üçün treninqlərin keçirilməsi və onların təhsil üçün ABŞ-ın Dənizçilik Akademiyası, Hərbi Hava Qüvvələri, həmçinin, Sərhəd Xidməti Akademiyalarına göndərilməsi imkanları müzakirə olunub.
