Azərbaycan, Bakı,14 yanvar / Trend , müxbir D.Xatınoğlu, R.Hafizoğlu/ Fransa prezidenti Nikolya Sarkozinin Fars körfəzi ölkələrinə səfəri İrana qarşı ərəb koalisiyası yaratmaq məqsədi daşıyır, -deyə fransalı ekspert Hüseyn Lacəvərdi (Hossein Lajevardi) hesab edir.
Fransanın İrana qarşı ərəb ölkələrində koaliyasiya yaratmasına dair politoloqların fikirləri fərqlənir.
Prezident Sarkozi Səudiyyə Ərəbistanı, Birləşmiş Ərəb Əmirlikləri və Qətərə səfərdədir. Səudiyyənin "Əlhəyat" qəzetinə verdiyi müsahibədə, Sarkozi İranın nüvə planını dayandırmaq, Livanda prezident seçkilərinin həllinə çalışmaq və Birləşmiş Ərəb Əmirliklərə nüvə reaktoru satmaq niyyətində olduğunu bildirib.
Lacəvərdi bazar ertəsi telefonla Parisdən Trend ə bildirib ki, Sarkozi bu səfərdən həm daxili, həm xarici məqsəd güdür. Bəyan edilən məqsədlərlə yanaşı, digər səbəb Fransa daxilində Sarkozi hakimiyyətinin iqtisadi baxımdan uğursuzluqla üzləşməsidir. "Rəsmi Paris İran Təhlükəsini bəhanə edərək, ərəb ölkələrinə nüvə reaktoru və silah satmaq istəyir və boşalmış ehtiyat fondlarını bu müqavilələrlə yenidən doldurmaq niyyətindədir", - deyə, Lacəvərdi bildirb. Onun fikrincə, Sarkozinin səfəri ABŞ prezidentinin Fars körfəzi ölkələrinə turnesi ilə eyni məqsəd daşıyır və hər ikisi öz şəxsi və milli mənafelərini güdürlər.
Digər politoloq, "Al-Şarq-al-Arabi" İnformasiya Agentliyinin direktoru Salim əl-Züheyri isə, hesab edir ki, Fars körfəzi ölkələrində nüvə stansiyaları inşa edilməsi Fransanın bu ölkələrə imtiyazı deyil". Əl-Züheyri bu gün Londondan telefonla Trend ə bildirib ki hər bir dövlət nüvə reaktorlarını dinc məqsədlərlə əldə edə bilər. "Fars körfəzi dövlətlərinə gəldikdə isə , neftinin tükənəcəyi ilə üz-üzə olan bu region ölkələrində nüvə reaktorlarının əldə edilməsi istəyi normaldır.İnşa ediləcək nüvə reaktorları dinc məqsədlər üçün istafədə ediləcək" - deyə ekspert bildirib.
Züheyri hesab edir ki, İranın uranın zənginləşdirməsi layihəsi regionda gərginlik yaradıb. Ərəb dövlətlərinin dinc məqsədlə deyil, hərbi məqsədlərlə nüvə reaktorlarını əldə etməsi regionu daha dərin böhrana sürükləyə bilər, - deyə ekspert qeyd edib.
Fransa mətbuatının məlumatlarına əsasən, Sarkozi yanvarın 15-də Birləşmiş Ərəb Əmirlikləri ilə nüvə reaktoru satışı ilə bağlı müqavilə bağlayacaq.
