Azərbaycan, Bakı, 19 fevral / Trend , müxbir K.Ramazanova/ Norveç XİN başçısı Yonas Store fevralın 29-da Azərbaycana səfər edəcək. Bu barədə Trend ə Norveçin Azərbaycandakı səfiri Yon Ramberq məlumat verib.
Səfir bildirib ki, səfər zamanı Norveçin XİN başçısı azərbaycanlı həmkarı Elmar Məmmədyarovla görüşəcək və əməkdaşlığın bütün sahələri üzrə məsələlərin geniş spektrini müzaikrə edəcək.
Norveçli nazir Azərbaycan Dillər Universitetində məruzə ilə çıxış edəcək.
Azərbaycanın XİN başçısı 2007-ci il dekabrın 4-5 tarixlərində Norveçə səfər edib. Səfər zamanı Məmmədyarov və Store siyasi, iqtisadi və digər sahələrdə əməkdaşlığa dair birgə bəyannamə imzalayıblar.
