Azərbaycan, Bakı, 23 aprel / Trend , müxbir S.Ağayeva/ Azərbaycan və Malayziya əməkdaşlığın inkişafı imkanlarını nəzərdən keçirmək niyyətindədir. Yaxın günlərdə Azərbaycan dövlət nümayəndə heyətinin Malayziyaya olacaq səfəri çərçivəsində Kuala-Lampurda əməkdaşlığın perspektivləri yüksək səviyyədə müzakirə olunacaq.
Cari ildə Azərbaycanın hökumət üzvlərinin Malayziyaya bir sıra səfərləri gözlənilir. İlin sonunda Azərbaycan prezidenti İlham Əliyev Malayziya dövlətinin başçısı Mizan Zeynal Abidinin dəvəti ilə bu ölkəyə rəsmi səfər edəcək. Bu barədə çərşənbə günü Azərbaycanın Kuala-Lampurdakı səfirliyindən məlumat verilib.
Səfirlikdən bildiriblər ki, Malayziya hökuməti səfərin hər iki ölkənin qarşılıqlı maraqlarına, eləcə də xalqların yaxınlaşmasına xidmət edəcəyinə inanır.
Müəlliflə əlaqə saxlamaq üçün elektron ünvan: [email protected]