Azərbaycan, Şəki, 22 may / Trend , müxbir E.Quliyev/ Azərbaycanın Qax rayonunda Dövlət Sərhəd Xidməti (DSX) rayon Polis Şöbəsi (RPŞ) ilə birgə əməliyyat keçirib.
Qax RPŞ-nin rəis müavini Məmməd Malıyev cümə axşamı Trend -a bildirib ki, aparılan əməliyyat axtarış tədbirləri nəticəsində rayonun Gürcüstanla sərhəd olan ərazisində, Alazan çayı vadisində Qaxbaş kənd sakini Mahmud Usğarov şübhəli şəxs qismində saxlanılıb. Usğarovun üzərinə baxış keçirilərkən ondan ümumi çəkisi 100 qram olan marixuana aşkar edilərək götürülüb.
Usğarov saxlanılıb və barəsində cinayət işi açılıb.
Qax paytaxt Bakıdan 432 km şimal-qərbdə yerləşir.
Məqalə müəllifi ilə əlaqə ünvanı: [email protected]
