Azərbaycan, Bakı, 17 iyun/ Trend , müxbir E.Babayev/ Sabah iqtidaryönlü Azərbaycan Sosial Rifah Partiyasının (ASRP) növbəti qurultayı keçiriləcək. Bu barədə çərşənbə axşamı Trend -a partiyanın sədri, millət vəkili Xanhüseyn Kazımlı məlumat verib.
Trend -un arayışı: Azərbaycanda prezident seçkisi oktyabrın 15-də keçiriləcək. İndiyə qədər Müsavat Partiyasının başqanı İsa Qəmbərin, ADP sədri Sərdar Cəlaloğlunun, Yaşıllar Partiyasının sədri Mais Güləliyevin, Bütöv Azərbaycan Xalq Cəbhəsi Partiyasının sədri Qüdrət Həsənquliyevin namizədliyi təmsil olunduqları partiyalar tərəfindən irəli sürülüb. İqtidaryönlü Ana Vətən Partiyası hazırki prezident İlham Əliyevin namizədliyini irləli sürüb. Bundan başqa, Azərbaycan Naminə İctimai Forumun rəhbəri Eldar Namazov müstəqil şəkildə namizədliyini irəli sürüb. Hakim Yeni Azərbaycan Partiyası isə hazırki dövlət başçısı İlham Əliyevin namizədliyini irəli sürmək niyyətindədir. Üç müxalifət partiyasının (Xalq Cəbhəsi, Vətəndaş və İnkişaf, Liberal) təmsil olunduğu "Azadlıq" bloku isə, seçkiləri boykot edəcəyi barədə bəyanat verib.
Kazımlı bildirib ki, qurultayda o, sədr kimi hesabat verəcək və bundan sonra təşkilati məsələlərə baxılacaq. Həmçinin, qarşıdan gələn prezident seçkisi ilə bağlı qərar veriləcək.
Kazımlı 1998-ci il seçkilərində prezidentliyə namizəd olub.
Məqalə müəllifi ilə əlaqə ünvanı: [email protected]
