Türkiyə, Ankara, 19 iyun / Trend , müxbir T.Əliyev/ Azərbaycan Dövlət Sərhəd Xidmətinin rəisi general-leytenant Elçin Quliyev Ankarada səfəri çərçivəsində Türkiyənin Sahil Güvənlik Komandanı Can Erenoğlu və Türkiyə Silahlı Qüvvələrinin digər rəhbər şəxsləri ilə görüşlər keçirib.
Daha sonra general-leytenant Quliyev Türkiyənin Jandarma Baş Komandanı İşık Koşanerlə görüşüb. Koşanerlə, Sahil Güvənlik Komandanı Erenoğlu və Türkiyə Silahlı Qüvvələrinin digər rəhbər şəxsləri ilə görüşlərdə sərhədlərin təhlükəsizliyi sahəsində əməkdaşlığın perspektivləri müzakirə edilib.
Tərəflər iki ölkə arasındakı münasibətlərin bütün sahələrdə sürətlə inkişaf etdiyini vurğulayıblar.
Azərbaycan nümayəndə heyətinin Ankarada görüşləri davam edir.
Məqalə müəllifi ilə əlaqə saxlamaq üçün elektron ünvan [email protected]
