Azərbaycan, Bakı, 19 iyun/ Trend , müxbir E.Babayev/ İqtidaryönlü Azərbaycan Naminə Alyans Partiyası (ANAP) prezident seçkisinə öz namizədi ilə qoşula bilər. "Mənim prezidenliyə namizəd olacağım istisna edilmir", - deyə cümə axşamı Trend -a ANAP sədri Abutalıb Səmədov bildirib.
Trend -un arayışı: Azərbaycanda prezident seçkisi oktyabrın 15-də keçiriləcək. İndiyə qədər Müsavat Partityasının başqanı İsa Qəmbərin, Azərbaycan Demokrat Partiyasının sədri Sərdar Cəlaloğlunun, Yaşıllar Partiyasının sədri Mais Güləliyevin, Bütöv Azərbaycan Xalq Cəbhəsi Partiyasının sədri Qüdrət Həsənquliyevin, Müasir Müsavat Partiyasının sədri Hafiz Hacıyevin namizədliyi təmsil olunduqları partiyalar tərəfindən irəli sürülüb. Bundan başqa, "Azərbaycan Naminə" İctimai Forumun rəhbəri Eldar Namazov müstəqil şəkildə namizədliyini irəli sürüb. Hakim Yeni Azərbaycan Partiyası hazırki dövlət başçısı İlham Əliyevin namizədliyini irəli sürmək niyyətindədir. İqtiadaryönlü Ana Vətən və Sosial Rifah partiyaları da seçkidə İlham Əliyevin namiəzdliyini müdafiə etmək qərarı veriblər. Üç müxalifət partiyasının (Azərbaycan Xalq Cəbhəsi, Vətəndaş və İnkişaf, Liberal) təmsil olunduğu "Azadlıq" bloku isə, seçkiləri boykot edəcəyi barədə bəyanat verib.
Səmədov bildirib ki, ANAP-ın qurultayının dəqiq vaxtı hələ məlum deyil. "Yəqin ki, qurultay iyul ayının ortalarına təsadüf edəcək. Seçki ilə bağlı yekun qərar qurultayda veriləcək və mənim namizədliyimin irəli sürülməsi istisna edilmir" - deyə Səmədov vurğulayıb.
ANAP Səmədov tərəfindən təsis olunub. Partiya hakimiyyətin siyasətini müdafiə edir. Səmədov 2003-cü il prezident seçkisində namizədliyini İlham Əliyevin xeyrinə geri götürüb.
Məqalə müəllifi ilə əlaqə ünvanı: [email protected]
