Azərbaycan, Bakı, 10 oktyabr / Trend , müxbir N.Abdullayeva/ Səudiyyə Ərəbistanı Azərbaycana yeni səfir təyin edib.
Səudiyyə Ərəbistanının Azərbaycandakı müvəqqəti müvəkkili Suleyman Dureyviş cümə günü Trend -a bildirib ki, bu ölkənin yeni səfiri Fəhd Dausari Bakıya iki aydan sonra, yəni Həcc mərasimindən sonra gələcək.
Dausari təyinatadək Keniyada səfir olub, o, Azərbaycanda diplomatik missiyası yayın sonunda başa çatan Əli Həsən Cəfəri əvəz edəcək.
"Səudiyyə Ərəbistanı Azərbaycanın ərazi bütövlüyünü dəstəkləyir. Hər iki dövlət islam ölkəsidir, dövlətlərimiz arasında siyasi sahədə qarşılıqlı əlaqələr olduqca yaxşıdır, biz yaxın vaxtlarda iqtisadi sahədə də münasibətləri yaxşılaşdırmağa çalşacağıq", - deyə Dureyviş bildirib.
Məqalə müəllifi ilə əlaqə ünvanı : [email protected]
