Azərbaycan, Bakı, 15 oktyabr/ Trend , müxbir N.Abdullayeva/ GUAM missiyasının rəhbəri Azərbaycan prezidenti seçkisində seçicilərin fəallığını qeyd edir.
"Biz üç seçki məntəqəsinə baş çəkmişik və indiyədək cidd pozuntulara rast gəlməmişk", - çərşənbə günü Trend - a Azərbaycan prezidenti seçkisində GUAM missiyasının rəhbəri Valeri Çeçelaşvili deyib.
"Seçkilər yaxşı təşkil olunub. Seçkilərin material və prosedurları elə təşkil olunub ki, insanlar sakit səs verə bilsinlər", - Çeçelaşvili bildirib.
"Bəzi kiçik növbələr var. Belə ki, seçiçilər fəallıq göstərirlər. Ümumilikdə biz seçki prosedurundan razıyıq, hər şey mütəşəkkil şəkildə və sakit keçir", - GUAM missiyasının rəhbəri qeyd edib.
Oktyabrın 15 - də Azərbaycanda prezident seçkisi keçirilir. Prezident seçkisində yeddi namizəd - Yeni Azərbaycan Partiyasının (YAP) sədri, indiki dövlət rəhbəri İlham Əliyev, müxalif Ümid Pariyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu , Bütöv Azərbaycan Xalq Cəbhəsi Partiyasının sədri Qüdrət Həsənquliyev, Müasir Müsavat Partiyasının sədri Hafiz Hacıyev, Azərbaycan Liberal Demokrat Partiyasının sədri Fuad Əliyev və müstəqil namizəd Qulamhüseyn Əlibəyli iştirak edir.