Azərbaycan, Bakı, 21 yanvar/ Trend , müxbir İ.Xəlilova/
Davosda illik Dünya İqtisadi Forumunun (DİF) qarşıdakı sessiyası bütün tarixi ərzində ən çox nümayəndənin iştirak edəcəyi sessiya olacaq - sessiyada presedentsiz sayda dövlət və hökumət başçıları iştirak edəcək. Cari ildə 41 ölkənin başçısı Davosa gəlməyə hazır olduqlarını bəyan edib ki, bu da adi hallarda olduğundan iki dəfə çoxdur. Azərbaycan prezidenti İlham Əliyevin də görüşü gözlənilir.
DİF-in "İnnovasiya
əməkdaşlığının gücü" devizi
altında keçirilmiş əvvəlki sessiyası 2008-ci il
yanvarın 23-27-də Davosda baş tutub. Onun işində
ölkə prezidentinin başçılığı ilə
Azərbaycanın nümayəndə heyəti iştirak edib.
Yanvarın 28-i - fevralın 1-də keçirilməsi
nəzərdə tutulan qarşıdakı forumda dünya
iqtisadi və maliyyə böhranının aradan
qaldırılması məsələləri, iqlim dəyişiklikləri
problemləri nəzərdə keçiriləcək. DİF
çərçivəsində, ətraf mühitin
mühafizəsi məsələlərinə nəzarət
edən, bu sahədə yeni beynəlxalq paktın əsas
müddəalarını hazırlayan nazirlərin
görüşü keçiriləcək. Sənədi
dekabrda imzalamaq planlaşdırılır.
DİF-in başlıca məqsədinin iqtisadi inkişaf və sosial tərəqqi məsələlərinin həllində dünya birliyinə yardım göstərməklə dünyanın qlobal vəziyyətinin yaxşılaşdırılmasını nəzərə alaraq, qarşıdakı görüş dünya böhranı şəraitindən aktualdır. Ən optimal ssenarilərə görə, böhran - 2010-cu ilin sonu - 2011-ci ilin əvvəlinə başa çatacaq ki, bu da onun 2009-cu ildə dünya ölkələrinin iqtisadiyyatına təsiri imkanlarını gücləndirir.
Dünyada böhranlı vəziyyətə baxmayaraq, Azərbaycan iqtisadiyyatın inkişafını davam etdirir və ÜDM-in artım templərinə görə lider mövqeyini saxlayır. 2003-cü illə müqayisədə, 2008-ci ildə dünya iqtisadiyyatının artımı 25,4 faiz, o cümlədən ABŞ-da - 13,3 faiz, Aİ ölkələrində - 13, 7 faiz, MDB - 45,4 faiz, Çin - 66,5 faiz təşkil edibsə, beş il ərzində Azərbaycanın iqtisadiyyatı 2,6 dəfə artıb. Ölkənin neft sektoru 4,1 dəfə, qeyri - neft - 1,8 dəfə artıb.
Azərbaycan iqtisadiyyatının hazırki artımı və ölkənin qlobal iqtisadiyyata, inkişafda olan dövlətlərin bazarlarına fəal inteqrasiyasını nəzərə alaraq, cəsarətlə iddia etmək olar ki, belə mühüm tədbirdə iştirak Azərbaycanın şirkətlərinə xeyli müsbət dividendlər gətirəcək. görüşdə aparıcı iş adamları ilə rəy mübadiləsi, dünya biznes nəhənglərinin iş təcrübəsi ilə tanışlıq baş tutacaq ki, bu da gələcək inkişaf üçün şəxsi strategiyanın hazırlanmasında kömək edəcək.
Azərbaycan Beynəlxalq Bankı Dünya İqtisadi Forumunun üzvlüyünə qəbul edilmiş ilk bank olub.
Davos forumu qlobal inkişafın əsas problemlərinin müzakirəsi və həlli üçün işgüzar, siyasi, intellektual və dünya birliyinin digər liderləri arasında tərəfdaşlığın inkişafına yardım edir.
Forum öz qeyri-rəsmi şəraiti ilə cəlb edir - hər hansı məcburi protokol, yekun kommünike yoxdur. Bu xüsusi qeyri-məcburi dialoq atmosferi "Davosun ruhu" adını alıb. İştirakçıların ünsiyyəti "Dəyirmi masalardan" başqa, işgüzar səhər yeməkləri, mədəni proqram, forumun kluarlarında qapalı görüşlərdə keçir.
Hesab olunur ki, Şimali Amerika Azad Ticarət Sazişi (NAFTA) və Ümumdünya Ticarət Təşkilatı (ÜTT) layihələri məhz Davosda Dəyirmi masalar arxasında qeyri - rəsmi müzakirələrdə yaranıb. Belə ki, 1982- ci ildə 17 aparıcı ölkənin ticarət nazirlərinin DİF çərçivəsində keçirilmiş xüsusi qeyri - rəsmi sessiyası beynəlxalq danışıqların ÜTT-nin yaradılması ilə başa çatan Uruqvay mərhələsinin başlamasına giriş olub. Hazırda Azərbaycan Ümumdünya Ticarət Təşkilatına daxil olmaq üzrə danışıqlar prosesindədir və 1997-ci ildən təşkilatda müşahidəçi statusunda təmsil olunur.
Ən əsas illik iqtisadi sessiya ənənəvi olaraq, yanvarın sonu - fevralın əvvəlində (istisna - DİF-in 11 sentyar hadisələrindən sonra Amerika ilə həmrəylik əlaməti kimi, 2002-ci ildə Nyu -Yorkda keçirilmiş sessiyası), İsveçrənin Davos qış kurortunda keçirilir. Belə vaxt təsadüfi seçilməyib. Yeni ilin ilk ayları - yeni mövsümə planların hazırlanması və ötən il ərzində fəaliyyətin yekunlarının təhlili dövrüdür. Davos forumu arasında tez - tez aparılan sorğuların nəticələri dünya siyasi, iqtisadi, elmi - texniki konyukturasını izləməyə imkan verir.
Bu tədbirin Azərbaycan üçün əhəmiyyəti bir də onunla təsdiqlənir ki, Bakı 2009-cu ildə Davos Forumunun regional sammitinin keçirilməsinə namizəd kimi çıxış edib. Bakıda belə nümayəndəli forumun keçirilməsi haqqında qərar qəbul edilərkən, başlıca amil Azərbaycanın regionda lider rolu, iqtisadi sahədə böyük uğurlar olub, - Davos Dünya İqtisadi Forumunun icraçı direktoru Borge Brend Bakıda, Azərbaycanın Baş naziri Artur Rasizadə ilə görüşdə bildirib.
Müəlliflə əlaqə saxlamaq üçün elektron ünvan: [email protected]
