...

Azərbaycanın qərbində saxta sənəd hazırlayan şəxs tutulub

Siyasət Materials 11 Fevral 2009 11:16

Trend-i buradan izləyin

Azərbaycan, Gəncə, 11 fevral / Trend , müxbir V.Məmmədov/ Azərbaycanın qərbində yerləşən Gəncə şəhərində (paytaxt Bakıdan 365 km məsafədə) saxta sənəd hazırlayan şəxs tutulub.

Gəncə Şəhər Polis İdarəsindən çərşənbə günü Trend -a verilən məlumata görə, şəhər polisinin keçirdiyi əməliyyat tədbirləri nəticəsində 48 yaşlı Rasim Bayramov Samir Məmmədova saxta sənəd satarkən yaxalanıb.

O, Məmmədova guya Gəncə "Cihaz" İstehsalat Birliyində usta vəzifəsində çalışdığı barədə saxta arayış düzəldərək 20 manata satmaq istəyib.

Saxlanılan Bayramovun yaşadığı evə baxış keçirilərkən, mənzildən bir ədəd Gəncə "Cihaz" İB-nin möhürü, saxta sənəd düzəltmək üçün bir ədəd kompyüter prosessoru, rəngli printer və Minayə Ələkbərovanın adına saxta arayış götürülüb.

Faktla bağlı Gəncə Şəhər Polis İdlarəsində Cinayət Məcəlləsinin rəsmi sənədləri saxtalaşdırma, hazırlama, satma və saxta sənədlərdən istifadə etmə (320.1) maddəsi ilə cinayət işi açılıb. 

Məqalə müəllifi ilə əlaqə ünvanı: [email protected]

Xəbər lenti

Xəbər lenti