Azərbaycan, Bakı, 25 sentyabr / Trend , müxbir C.Babayeva /
Azərbaycan Avropanın enerji təchizatında mühüm rol oynayır, bu barədə İsveçərinin xarici işlər naziri Mişlen Kalmi-Rey Azərbaycanın xarici işlər naziri Elmar Məmmədyarov ilə Nyu-Yorkda görüşü zamanı bildirib.
Azərbaycanın xarici siyasət idarəsinin başçısı həmkarını Ermənistan-Azərbaycan, Dağlıq Qarabağ münaqişəsinin nizamlanması prosesi barədə məlumatlandırıb və qeyd edib ki, bu problem həll olmadan regionda sülhün və təhlükəsizliyin təmin edilməsi mümkün deyil, Trend -a respublikanın XİN-dən bildirilib.
Tərəflər həmçinin ikitərəfli əməkdaşlıq və onun perspektivlərini müzakirə ediblər. Xarici işlər nazirlərinin görüşü BMT Baş Assambleyasının sessiyası çərçivəsində baş tutub.