Azərbaycan Respublikasının Prezidenti İlham Əliyev çərşənbə günü Belarus Respublikasına rəsmi səfərə yola düşüb. Məlumatı AzərTAc Dövlət İnformasiya Agentliyi yayıb.
Dövlətimizin başçısını Heydər Əliyev adına Beynəlxalq hava limanından Baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.