Azərbaycan, Bakı, 18 fevral / Trend /
Bu il fevral ayının 17-də Küveytin LoYAC (Youth Achievement Center) gənclər təşkilatının qərargahında İslam Konfransı Təşkilatının Gənclər Forumunun mədəniyyətlərarası dialoq üzrə baş əlaqələndiricisi Leyla Əliyevanın təşəbbüsü ilə "Xocalıya ədalət" kampaniyasının təqdimatı keçirilib. Bu barədə Trend -a Azərabycan XİN-dən daxil olan məlumatda bildirilib.
Məlumatda qeyd olunur ki, "Xocalıya Ədalət" kampaniyasının petisiyası imzalanıb və Xocalı qətliamının 18-ci ildönümü münasibətilə "Xocalı uşaqların gözü ilə" şəkil sərgisi təşkil olunub.
"Xocalıya ədalət" kampaniyası adı altında keçirilmiş tədbir Küveytin aparıcı telekanallarından olan "Əl-Vətən" kanalı və "Kuwait Times", "Əl-Ğabas", "Əl-Ray", "Əl-Cərid" qəzetləri tərəfindən işıqlandırılıb.