Azərbaycan, Bakı, 16 may /Trend, müxbir K.Zərbalıyeva/
Azərbaycan ilə Gürcüstan arasındakı hərbi əməkdaşlıq məsələləri müzakirə olunub.
Müdafiə Nazirliyinin mətbuat xidmətindən bazar ertəsi Trend-ə verilən məlumata görə, mayın 16-da Azərbaycana rəsmi səfərə gələn Gürcüstanın müdafiə naziri Baço Axalayanın azərbaycanlı həmkarı general-polkovnik Səfər Əbiyevlə görüşü olub.
Geniştərkibli görüşdə müdafiə nazirləri ölkələr arasındakı hərbi əməkdaşlıq əlaqələrinin inkişaf perspektivləri və bölgədə hərbi-siyasi durum barədə fikir mübadiləsi aparıblar.
Sonra nazirlər arasında təkbətək görüş keçirilib.