Azərbaycan, Bakı, 25 avqust /Trend/
Ərəb Dövlətləri Liqası (ƏDL) Liviya Milli Keçid Şurasını Liviya xalqının qanuni nümayəndəsi kimi tanıyıb. Trend-in məlumatına görə, bu barədə təşkilatın baş katibi Nabil əl-Ərəbiyə istinadən "Royter" agentliyi xəbər verir.
Əl-Ərəbinin sözlərinə görə, Liviya Milli Keçid Şurasına Ərəb Dövlətləri Liqasında daimi nümayəndə yeri veriləcək.
ƏDL fevralın 22-də Liviyanın təşkilatdakı fəaliyyətini ölkəni bürüyən kütləvi iğtişaşlarla və hakimiyyət tərəfindən bu iğtişaşların yatırılması ilə bağlı dayandırmışdı.