Azərbaycan, Bakı, 5 sentyabr /Trend/
ATƏT Naxçıvan Muxtar Respublikasında (NMR) vətəndaş cəmiyyətinin möhkəmlənməsi üzrə ikigünlük seminar keçirir. Trend-in məlumatına görə, bu barədə qurumun məlumatında deyilir.
Bazar ertəsi başlayan seminar ATƏT-in Bakı ofisi tərəfindən ATƏT-in Demokratik Təsisatlar və İnsan Haqları Bürosu (DTİHB), NMR-in Ədliyyə Nazirliyi ilə birgə təşkil olunub.
Seminarda iştirak edən 25-ə yaxın yerli QHT sərbəst toplaşma hüququnun efffektiv reallaşdırılması məsələsini, eləcə də QHT-lərin yaradılması və qeydiyyatı üzrə hüquqi tələbləri müzakirə edəcəklər.
"Bu seminar vasitəsilə biz Naxçıvanın vətəndaş cəmiyyətinin imkanlarının yaxşılaşdırılmasına, mövcud qanunvericilik, beynəlxalq standartlar və praktikaya uyğun işləməyə çalışırıq", - məlumatda ATƏT-in Bakı ofisinin hüquqi məsələlər üzrə nümayəndəsi Nataşa Rasiçdən sitat verilir.
Bugünkü tədbir ATƏT-in Bakı ofisinin 2011-ci il üzrə treninq proqramının bir hissəsidir.