...

Azərbaycan Prezidenti və xanımı London olimpiadasında ağır atletika üzrə yarışda mübarizə aparan idmançımızın çıxışına baxıblar (FOTO)

Siyasət Materials 30 İyul 2012 01:07 (UTC +04:00)
Londonda keçirilən XXX Yay Olimpiya Oyunlarında Azərbaycan ilk medalını qazanmışdır. Ağır atletika üzrə yarışda 56 kiloqram çəki dərəcəsində mübarizə aparan idmançımız Valentin Xristov 286 xalla bürünc medala sahib olub
Azərbaycan Prezidenti və xanımı London olimpiadasında ağır atletika üzrə yarışda mübarizə aparan idmançımızın çıxışına baxıblar (FOTO)

Azərbaycan, Bakı, 30 iyul /Trend/

Londonda keçirilən XXX Yay Olimpiya Oyunlarında Azərbaycan ilk medalını qazanmışdır. Ağır atletika üzrə yarışda 56 kiloqram çəki dərəcəsində mübarizə aparan idmançımız Valentin Xristov 286 xalla bürünc medala sahib olub.

AzərTAc Dövlət İnformasiya Agnetliyi xəbər veriri ki, Azərbaycan Prezidenti İlham Əliyev və xanımı Mehriban Əliyeva yarışa baxmışlar.

Valentin Xristov birdənqaldırmada 120 kiloqram, təkanlaqaldırmada isə 150 kiloqram qaldırmaq istədiyini bildirmişdir. İdmançımızın ilk cəhdi uğurlu olmuşdur. O, 120 kiloqram çəkini 123 kiloqram çəkiyə dəyişmiş və birdənqaldırmada bunun öhdəsindən asanlıqla gəlmişdir. Rəqiblərinin çıxışına uyğun olaraq, Valentin Xristov ikinci cəhdində 127 kiloqram çəki sifariş vermiş və bunun da öhdəsindən məharətlə gəlmişdir. Nəhayət, üçüncü cəhddə atletimiz 130 kiloqram sifariş versə də, buna nail ola bilməmiş və 127 kiloqram çəki ilə kifayətlənməli olmuşdur. Nəticədə idmançımız birdənqaldırmada dördüncü yeri tutmuşdur.

Təkanlaqaldırmada idmançımız rəqiblərinin çıxışına uyğun olaraq 154 kiloqram sifariş etmiş və ağırlığı uğurla başı üzərinə qaldırmışdır. İkinci cəhddə o, 158 kiloqram sifariş etsə də bunun öhdəsindən gələ bilməmişdir. Amma üçüncü cəhddə Valentin Xristov 159 kiloqram çəki sifariş etmiş və bu dəfə ağırlığı qaldıra bilmişdir.

Beləliklə, ümumi nəticədə 286 xal toplayan Valentin Xristov üçüncü pillədə qərarlaşmış və Azərbaycan millisinə London Olimpiadasında ilk medalını qazandırmışdır.

Dövlətimizin başçısı ağır atletimizi və yığmamızın məşqçilər korpusunu qələbə münasibətilə təbrik etmişdir.

Xəbər lenti

Xəbər lenti