...

Azərbaycanın siyasi partiyalarının maliyyələşdirilməsinə başlanılıb (SİYAHI)

Siyasət Materials 8 Fevral 2013 18:00 (UTC +04:00)
"Siyasi partiyalar haqqında" qanunun 17-1-ci maddəsinə əsasən, siyasi partiyaların fəaliyyətinin maliyyələşdirilməsi üçün dövlət büdcəsindən ayrılmış vəsaitin 10 faizi irəli sürdüyü namizədlər Milli Məclisə keçirilmiş son seçkilərdə etibarlı səslərin azı 3 faizini qazanmış, lakin Azərbaycan Respublikasının Milli Məclisində təmsil olunmayan siyasi partiyalar arasında qazanılmış səslərin sayına proporsional olaraq bölünür.
Azərbaycanın siyasi partiyalarının maliyyələşdirilməsinə başlanılıb (SİYAHI)

Trend-i buradan izləyin

Azərbaycan, Bakı, 8 fevral /Trend, müxbir E.Mehdiyev/

"Siyasi partiyalar haqqında" qanunun 17-1-ci maddəsinə əsasən, siyasi partiyaların fəaliyyətinin maliyyələşdirilməsi üçün dövlət büdcəsindən ayrılmış vəsaitin 10 faizi irəli sürdüyü namizədlər Milli Məclisə keçirilmiş son seçkilərdə etibarlı səslərin azı 3 faizini qazanmış, lakin Azərbaycan Respublikasının Milli Məclisində təmsil olunmayan siyasi partiyalar arasında qazanılmış səslərin sayına proporsional olaraq bölünür. Vəsaitin 40 faizi Milli Məclisdə təmsil olunan siyasi partiyalar arasında bərabər, 50 faizi isə seçilmiş deputatlarının sayına proporsional olaraq bölünür.

Maliyyə Nazirliyinin mətbuat xidmətindən Trend-ə bildiriblər ki, həmin qanunun tətbiq edilməsi barədə Azərbaycan Prezidentinin 2012-ci il 8 may tarixli fərmanına əsasən, siyasi partiyalara dövlət büdcəsindən ayrılmış vəsaitin siyasi partiyalar arasında bölgüsü onların müvafiq bank hesablarına köçürülməsinin təmin edilməsi Maliyyə Nazirliyinə tapşırılıb.

Göstərilənləri əsas götürülməklə, 2013-cü il dövlət büdcəsində siyasi partiyaların fəaliyyətinin maliyyələşdirilməsi ilə bağlı nəzərdə tutulan maliyyə yardımı aşağıdakı məbləğlərdə aidiyyəti siyasi partiyalar arasında bölüşdürülüb.

Siyasi partiyaların adı

Məbləğ (manatla)

1

Yeni Azərbaycan Partiyası

1145125,89

2

Vətəndaş Həmrəyliyi Partiyası

136089,81

3

Ana Vətən Partiyası

121029,57

4

Sosial Rifah Partiyası

105969,33

5

Azərbaycan Demokratik İslahatlar Partiyası

105969,33

6

Azərbaycan Ümid Partiyası

105969,33

7

Bütöv Azərbaycan Xalq Cəbhəsi Partiyası

105969,42

8

Vətəndaş Birliyi Partiyası

105969,33

9

Böyük Quruluş Partiyası

105969,33

10

Milli Dirçəliş Hərəkatı Partiyası

105969,33

11

Ədalət Partiyası

105969,33

Dövlət büdcəsindən ayrılan vəsait Azərbaycan Maliyyə Nazirliyi tərəfindən, partiyaların təqdim etdiyi sifarişlər əsasında rüblər üzrə siyasi partiyanın bank hesabına köçürülməsi təmin ediləcək.

Məqalədə:
Xəbər lenti

Xəbər lenti