...

Əli Abbasov: Səsvermə günü istənilən şəxs veb-kameralar vasitəsilə seçki müşahidəsi apara biləcək

Siyasət Materials 27 Sentyabr 2013 13:11 (UTC +04:00)
Əksər hallarda seçki prosesində müşahidəçilərlə bağlı bir sıra problemlər yaranır.
Əli Abbasov: Səsvermə günü istənilən şəxs veb-kameralar vasitəsilə seçki müşahidəsi apara biləcək

Azərbaycan, Bakı, 27 sentyabr /Trend, müxbir İ.İzzət/

İndi MSK-da elə bir şərait yaradılıb ki, veb-kamera sistemi vasitəsilə istənilən şəxs səsvermə günü seçki müşahidəsi apara biləcək.

Trend xəbər verir ki, bunu rabitə və informasiya texnologiyaları naziri Əli Abbasov Mərkəzi Seçki Komissiyasında (MSK) yaradılmış veb-kameralara texniki nəzarət mərkəzinə baxış zamanı bildirib.

Onun sözlərinə görə, seçki məntəqələrində quraşdırılmış veb-kameralar vasitəsilə seçicilərin aktivliyini birbaşa izləmək mümkün olacaq: "Hesab edirəm ki, MSK-nın prezident seçkiləri ilə bağlı İKT-nin tətbiqinə önəm verməsi seçkilərdə şəffalığın artırılması məqsədi daşıyır. Bəzən seçkilərdə şəffaflıqla bağlı müşahidəçilər fikir bildirirlər. Ancaq bu kameraların quraşdırılması bu problemin aradan qaldırılmasına kömək edəcək. Veb-kameralar quraşdırılmış seçki məntəqələrinin sayının 1000-ə çatdırılması və xüsusi şəbəkələrin quraşdırılması informasiyanın real rejimdə saxlanılıb internet vasitəsilə əhaliyə açılması seçki prosesində şəffaflığın artırılmasına gətirib çıxarır".

Məqalədə:
Xəbər lenti

Xəbər lenti