Azərbaycan, Bakı, 22 yanvar /Trend, müxbir R.Hafizoğlu/
Suriya rejiminin "tör-töküntü"ləri ölkənin keçid hökumətinə daxil olmamalıdırlar. Trend-in "TRT Haber" telekanalına istinadən verdiyi məlumata görə, bunu Türkiyənin xarici işlər naziri Əhməd Davudoğlu "Cenevrə-2" sülh konfransında çıxışı zamanı deyib.
Onun sözlərinə görə, Ankara həmişə Suriya böhranının dinc yolla nizamlanmasına çalışıb.
XİN rəhbəri onu da bildirib ki, Suriya hökuməti ölkənin dinc əhalisini terrorizmdə ittiham edir: "Suriya hökumətinin sözündən belə çıxır ki, ölkəni tərk etmiş 4,2 milyondan çox suriyalı terrorçudur".