Azərbaycan, Bakı, 23 may /Trend, müxbir R.Hafizoğlu/
Türkiyənin əmək və sosial müdafiə naziri Faruk Çelik xəstəxanaya yerləşdirilib.
Trend-in "Sabah" qəzetinə istinadən verdiyi məlumata görə, onun xəstəxanaya yerləşdirilməsinə səbəb mədə-bağırsaq sistemində yaranan problemlər olub.
F.Çelikin artıq əməliyyat olunduğu bildirilir.
Qeyd edək ki, bundan əvvəl naziri mədəndə partlayışın baş verdiyi Manisa vilayətinə getmədiyinə görə kəskin tənqid etmişdilər. Bundan sonra bir sıra müxalif qüvvələr F.Çelikin istefasını tələb etmişdilər. O isə səhhətindəki problemlərlə əlaqədar hadisə yerinə baş çəkmədiyini bildirmişdi.